Oddeyrarskóli smíðastofa

Í áttunda til tíunda bekk í Oddeyrarskóla eru verkgreinar valfag þar sem áhugi og vinnusemi nemandans skiptir öllu hvað árangur varðar. Á liðnu vori var nemendum þessarra bekkja gefinn kostur á að velja sér smíðaáfanga. Gefið var út að kenndar yrðu samsetnigaaðferðir og handbragð sem fagmenn nota. Tekið var fram að engar vélar yrðu notaðar heldur einungis notuð handverkfæri. Líklega verður smíðaður opinn kassi með haldi, tappaður saman þannig að engir naglar skrúfur eða lím koma við sögu. Þó er ekki útilokað að einstaka trénagli verði til halds og trausts. Það má bora með handafli.  Heimilt er að gera mistök  og litið á þau sem tækifæri til að læra að laga og endurskoða  og finna þar með hvað nemandinn á ólært og hvar hans sterku hliðar liggja. Námskeiðið mun standa  hálfan vetur. Gangi fyrsta verkefni vel verður nemendum boði að hanna sitt eigið verkefni miðað við getu Áhugi og vinnusemi nemandans skiptir öllu máli sem og vandvirkni og dugnaður.